MIRROR粉絲內鬥丨姜糖神徒接機爭位發生衝突　教主Anson Lo：大家因為咁樣受傷我會好肉赤

前日，MIRROR從外地演出回港，可是團中兩大人氣成員姜濤及盧瀚霆（Anson Lo）的粉絲姜糖及神徒卻為接機爭位有肢體衝突，並把事件放上網。

過往，MIRROR 12子都全同用一個VIP通道出機場然後上車離開，不過當日卻分左、右兩邊門口離開，並且姜濤的出口企滿姜糖、盧瀚霆（Anson Lo）的出口企滿神徒，兩派壁壘分明。

可是兩派粉絲雖然分隔開但打對台鬥大聲，當Anson Lo現身受訪時，疑有姜糖更起哄，當中有人更大叫「親生仔」諷刺Anson Lo，並罵經理人花姐為「八婆」。

據知，姜糖及神徒為霸位發生問題，機管局當時作出警告，如有粉絲再不守秩序，將不安排MIRROR再行特別通道。

MIRROR｜MIRROR紅過羅湖上CNN受訪　騷流利英語踢爆有成員將結婚

▲ 神徒把當日情況放上網投訴。

教主無奈：我好肉赤

網上更流傳多條短片，當中疑似姜糖和神徒口角後發生肢體碰撞，有人聲稱姜糖不守秩序，強佔非粉絲區，混亂期間有人報稱被疑似姜糖推跌及搶手機，結果機管局人員出面調停，而神徒之後作出讓步，不過另一方面，有姜糖聲言是神徒先打尖才引發問。

而Anson Lo今日（4月21日）宣傳新歌時《深閏》進行媒體訪問，另抽出時間回應今次「機場MMA事件」。

教主首先心痛地稱：「其實在飛機降落香港前，我們就得知發生了甚麼事，當時覺得好緊張，我就問身邊工作人員，工作人員話有人受傷，我想知有邊個受傷，有幾多人受傷，受傷情況係點樣，嚴唔嚴重，去到咩程度，我擔心嘅都係大家安全嘅問題，如果大家為咗支持我，而令到自己受傷，我覺得呢件事係好唔值得，我嘅存在都係想大家開心，搵到娛樂、搵到正能量， 我唔想大家失去咗呢樣野，如果大家因為咁樣而受傷，我會好肉赤。」

▼點擊圖片放大

+6

+5

Anson Lo：唔想再發生類似情況

時，李駿傑（Jeremy）與Anson Lo齊步出機場，問對方有沒有安慰他時，教主稱：「當時大家都係處於一個幾緊張的狀態，當下我哋冇特別去傾呢樣野，都辛苦Jeremy，因為要佢同我一齊去面對呢件事，我好多謝佢，知道都辛苦咗佢，同我一齊去承受呢個壓力，所以都想同佢講聲對唔住。」

自從去年4月2日在西九演出，疑Anson Lo在台上演唱時，大批姜糖拉隊走，由此令姜糖與神徒兩派粉絲鬥爭白熱化，兩派由此事起便有心結，問如何令她們先解開個結？教主無奈稱：「我當然唔想再發生類似情況，始終安全最緊要，我都仲努力緊點樣去搵一個解決方法。」

最新影片推介：吳家樂專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5